Danasîna berhemê
Ev lêkolîn balê dibe ser Terîqeta Neqişbendî û veguhartinên wê yên siyasî di nava du sedsalan (1800-2000) de. Giranîyê dide dewrên cuda yên Neqişbendîtîyê; ji qonaxa damezirandinê heta bi peywir û xebata wê ya li dij Tevgera Wehabî ku seba vê yekê meqamekî wê di Siltanîya Osmanî de çêbû. Lêkolîn wisa diajo heta ku digihêje qonaxa “Neqişbendîtîya Cîhadî” di heyama mîsyonerîyê de li Anadol, Kurdistan û Ermenistanê. Herî dawîn jî heta bi qonaxa têkçûna leşkerî û jihevbelavbûna lêveger û şêxên Neqişbendîtîyê ve diçe.
Ev lêkolîn xwe dispêre çavkanîyên giştî yên der heqê dîroka siyasî ya Kurdan de. Ji hêla metodolojîk ve, min xwe spart azîneya wesfdana dahûrîner da ku dane û zanyarîyên nû bi dest bixim. Helbet tûşî gelek kelem û astengîyan hatim, ew jî ji ber tunebûna lêvegerên berfireh ên li ser Neqişbendîtîya Kurdistanî û rola wê ya neteweperwer an rola wê ya li dij neteweperwerîya Kurdî bû.
Nêrîn
Hîn tu nêrîn tunene