Danasîna berhemê
Sal 1908 e. Berîya ku çîroka me ya bingehîn dest pê bike, bi deh salan. Împaratorîya Osmanî, ha ha ye şoreşa xwe bike. Tirkên Ciwan (Jon Turk) gefan dixwin. Dîyar dikin ku heger Qanûna Bingehîn a 1878an cardin bingeh neyê girtin, dê ber bi Konstantînopolîsê ve bimeşin. “Siltanê sor”, xwînmij û bednav Evdilhemîdê duyem, serî ditewîne û Tirkên Ciwan li paytext û împaratorîyê desthilatîyê bi tevahî bi dest dixin. Pevçûna di navbera siltan û rêjîma nû da, heya sala 1909an didome. Wê salê, dijderbeyeka siltanî tê çewisandin û jinavbirin, ji pêşengên Tirkên Ciwan, Enver Paşa, bi ser paytextê da diçe. Hevçerxên alman, vê meşê dişibînin meşa Caesarî ya ku bi ser paytexta Romayê da çûbû. Bi dû ra, Hitler dê bibêje, piştî ku Enver bi ser împaratorîyê da bimeşe, dê Împaratorîya Osmanî bi ruh û can bibe. Ev, ne tiştekê rasthatinî bû ku Hitler bi vê û gelek tiştên der barê Tirkîyayê da bizane. Bûyerên 1908-1909an li Ewropayê, nexasim jî li Almanyayê, lê belkî jî li “Vîyanaya Hitlerî”1, ji nêz ve dihatin şopandin. Lehengê Tirkên Ciwan, Enver Paşa, bi xwe jî, di sala 1909an da li balyozxaneya Împaratorîya Osmanî ya li Berlînê, peywira ataşetîya leşkerî girt ser xwe.
Nêrîn
Hîn tu nêrîn tunene